Andhra Pradesh, Telangana, Arunachal Pradesh, Meghalaya, Mizoram, Nagaland, Sikkim, Andaman and Nicobar, Lakshadweep leh Uttarakhand-a bial zawng zawngah inthlan hi buatsaih a ni a, Assam, Bihar, Chhattisgarh, Jammu and Kashmir, Maharashtra, Manipur, Odisha, Tripura, Uttar Pradesh leh West Bengal bial \henkhatah buatsaih a ni bawk a, Andhra Pradesh, Sikkim, Arunachal Pradesh leh Odisha-a seat 147 zinga seat 28 ah Assembly inthlan buatsaih a ni bawk a ni.
Maharashtra-a Nagpur bialah BJP MP nilai Union Minister Nitin Gadkari leh Congress Candidate Nana Patole te an inbei a, Chandrapur bialah Home Affairs-a Union Minister of State Hansraj Ahir leh Congress candidate Suresh Narayan Dhanorkar te an inbei bawk a ni.
Uttar Pradesh-a Muzaffaranagar bialah Rashtriya Lok Dal hotu Ajit Singh leh MP nilai Sanjeev Balyan te an inbei a, Baghpat bialah Union Minister Satya Pal Singh leh Rashtriya Lok Dal dintu Ajit Singh-a fapa Jayant Chaudhary te an inbei bawk a, Ghaziabad bialah chuan Junior Foreign Minister VK Singh, Congress candidate Dolly Sharma leh Samajwadi Party candidate Suresh bansal te’n seat an inchuh a, Gautam Buddh Nagar bialah Union Culture Minister BJP candidate Mahesh Sharma, Congress candidate Arvind Kumar Singh leh SP Satveer Nagar ten seat an inchuh bawk a, Bihar-a Jamui bialah Lok Janshakti Party hruaitu Chirag Paswan leh kum 2009-a hnehna chang Bhudeo Chaudhary te an inbei a ni.
Andhra Pradesh-a Vizianagaram bialah Union Minister hlui, Telugu Desam Party candidate P Ashok Gajapathi Raju leh YSR Congress Party Bellana Chandra Sekhar te an intum bawk.
Hmar chhak lamah Arunachal Pradesh-ah Union Minister Kiren Rijju, Chief Minister hlui Nabam Tuki, Janata Dal candidate Jarjum Ete leh National People’s Party candidate Khyoda Apik te’n seat 2 awm an inchuh a, Meghalaya-a Tura bialah Chief Minister hlui leh Congress hotu Mukul Sangma, sorkar dinglai National People’s Party candidate Agatha K Sangma leh BJP candidate Rikman G Momin te’n seat an inchuh bawk.
