PM Narendra Modi hian Odisha-ah khawmpui 2 a chhim a, hemi zawh hian Maharashtra mipui te nen Chhattisgarh-ah an inkawm leh a ni. Odisha Sundergarh-a mipuite hmaa thu a sawinaah Modi chuan party tam tak chu sum-a an innghah laiin BJP chu kut hnathawkte awmna party a nih vangin thawhrimnaah an inghat niin a sawi a, BJP sorkarin thil tum \ha neia ruahmanna a siam laiin Odisha-a sorkar dinglai Biju Janata Dal party chuan loneitute \anpuina tur sum te, Ayushman yojan hnuaia mi rethei te a thlawn-a inentir theihna tur danchah an tum niin a sawi bawk a, mipuite chu State leh Central-a sorkar atan eiruk ching mi nge thudik duh mi an thlan dawn tia an inzawh hnuah an rilru an siam a ngai niin a sawi bawk a, Sonepur-a a thusawinaah pawh Odisha hian leilung hausakna tam tak a neih laiin mipuite chu an rethei hle niin a sawi a, Congress leh BJD te’n ro an rel chhung chu retheihna hi tihbo a ni thei dawn lo niin a sawi bawk a, heng party-te hian mipui retheihna hi politics khelhna hmanruaah an hmang tiin a puh a, mipui te an retheih zel laiin, an minister te an hausa chho zel niin a sawi bawk a ni.
Congress President Rahul Gandhi pawhin Uttarakhand-a khawmpui 3 a chhim a, GINTI Ground-ah mipuite nen hun hmangin a \an a ni. Rahul Gandhi hian Congress hi hnehna an chang a nih chuan India-a chhugkaw rethei, cheng 12,000 hlawh tling lo te chu kum tin cheng 72,000 pek an nih tur thu a lo sawi tawh a, Srinagar-ah hian Congress candidate Manish Khanduri \awiawmin khawmpui a chhim bawk a, “garibi par vaar-bahattar hazaar” thupui hmangin retheihna umbo chu a thil tum hmasa ber a nih thu a sawi a ni.
