Lok Sabha inthlan thawh 2-na state 11 leh Union Territory 1-a bial 95-ah neih a ni.

0
367
views

Inthlan thawh 2-naah hian Tamil Nadu-a bial 38, Karnataka-a bial 14, Maharashtra-a bial 10, Uttar Pradesh-a bial 8, Assam, Bihar leh Odisha-a bial 5 \heuh, Chhattisgarh leh West Bengal-a bial 3 ve ve, Jammu and Kashmir-a bial 2, Manipur leh Puducherry-a bial 1 ve ve-ah te mipuiten vote an thlak a, tluang taka inthlanna buatsaih a nih theih nan polling station venhim ngai zual booth 8200-ah te chuan venhimna khauh taka kalpui a ni.

Inthlan hma ni hian Maoist pawlin Odisha-ah inthlan buaipuitu poll officer pakhat Sanjukta Digal an kaphlum a, inthlan laia motor hman pakhat an hal bawk a ni.
Chhattisgarh-a Dantewada district-ah April ni 9-a BJP MP Bhima Mandavi kaphlumtu Maoist mi 2, Malangir Area Committee Maoist zirlai pawl hruaitu Vargese leh Katekalyan bial ami Linga te chu zing lamah kahhlum a ni a, West Bengal-a Darjeeling-ah mipui lungawi loin kawngpui National Highway-31 an dang a, police te nen an innawr a, EVM chian loh vangin Assam, Maharshtra, Tamil Nadu, Karnataka leh Odisha-ah vote thlak hi rei lo te tihtawp lailawk a ni bawk.