Inthlan thawh 4-na hi State 9-a bial 71-ah karleh Thawh\anni hian neih a ni dawn a, party hrang hrang hruaitute chu mipuite vote hmuh tumin an campaign ngawrh hle.
PM Narendra Modi chuan MP a nihna bial Varanasi-a ding leh tura a hming a thehlut a, Prime Minister hi a thawhpui Shiv Sena hotu Uddhav Thackeray leh Shiromani Akali Dal hotu Parkash Singh Badal te tiamin BJP, NDA leh North East Democratic Alliance hotu hlun te’n an \awiawm a ni. Varanasi bialah hian Modi hian Congress candidate Ajay Rai leh SP hotu Shalini Yadav te nen seat an inchuh dawn a ni. Inthlanna chuh tura a hming a thehluh hnuah Modi hian Madhya Pradesh-a hmun 2-ah leh Mumbai-a Bandra leh Kurla inkar complex leh Maharashtra-ah vantlang inkhawm a huaihawt a, BJP President, Amit Shah chuan Rajasthan-a Jalore-ah thu a sawi bawk.
Congress President, Rahul Gandhi chu Patna-a Campaign turin a chhuak a, amaherawhchu a chuanna thlawhna a chian loh avangin Delhi-ah a let a, Patna-a a campaign tum chu a \hulh phah a ni. Hemi avang hian Bihar-a Samastipur, Orissa-a Balasore leh Maharashtra-a Sangamner-a campaign pawh \an hun tih tlai a ngaih phah a, Congress General Secretary, Priyanka Gandhi Vadra erawh chuan Uttar Pradesh-a a campaign a chhunzawm ngawrh hle. BSP hotu Mayawati chuan Uttar Pradesh-a Urai leh Jalaun-ah vantlang inkhawm a huaihawt bawk. Hetihlai hian Election Commission chuan Jammu and Kashmir-a Assembly inthlan buatsaih dan an sawiho bawk a ni.
