Lok Sabha inthlan vote thlak neih chhoh mekah party hruaitute an campaign chhunzawm zel.

0
283
views

BJP President Amit Shah chuan Madhya Pradesh-a Rajgarh, Neemuch leh Sehore-ah te vantlang inkhawm a huaihawt a, BJP hotu, Union Minister Mahesh Sharma chuan Raibareli-ah vantlang inkhawm a huaihawt bawk a, Union Minister, Uttar Pradesh-a BJP hotu JP Nadda chuan Sultanpur leh Amethi bialah party worker te a \hutkhawm pui a ni.

Congress President Rahul Gandhi chuan Jharkhand-a Simdega leh Rajasthan-a Jaipur-ah te mipui hmaah thu a sawi a, UPA Chairperson Sonia Gandhi leh Congress General Secretary Priyanka Gandhi Vadra te chuan Raibareli-ah campaign beihpui an thlak bawk a, Samajwadi party President Akhilesh Yadav chuan Pratapgarh leh Lucknow-ah te mipui hmaah thu sawi a ni.

Vote thlak thawh 5-na hi Thawh\anni khian neih a ni dawn a, thawh 6-na chu tun thla ni 12, leh thawh 7-na chu ni 19-ah te neih a ni ang a, vote tla te hi ni 23-ah chhiar a ni ang.