PM Narendra Modi chuan Uttar Pradesh-a Ballia, Bihar-a Buxar leh Sasaram te bakah Chandigarh-ah te vantlang inkhawmah thu a sawi a, Congress President Rahul Gandhi chuan Madhya Pradesh-a Neemganj, Ujjain leh Khandwa-ah te campaign beihpui a thlak a, BSP hotu Mayawati chuan Uttar Pradesh-a Ballia-ah vantlang inkhawm a huaihawt bawk a ni.
Rahul Gandhi-a’n kum 1984-a Sikh mi leh sa te beih an nih chungchanga Congress hotu Sam Pitroda thu sawi a zahpui thu leh ngaihdam dil tura a hrilh nghal thu a sawi chungchangah PM Modi chuan amah Rahul Gandhi zawk chu zak tur a ni a ti a, Congress sorkar chu ram venhimna ralthuam chungchanga mi bum a, eirukna thubuai neiah a puh a, an hmalakna dik lo tak tak te chu siam \ha-in BJP sorkar chhungin ram venhimna hmanrua te chu tihchangtlun a ni a ti a, eptu pawlte’n amah chu tih hmingchhiat tum mahse ani chuan India ram tih hming\hat a tum zawk niin a sawi.
Priyanka Gandhi chuan BJP sorkar-in cheng 500 leh 1,000 note a tihhlum avangin mi tam takin harsatna tawkin an hnate an chan phah tih a sawi a, PM-Kisan Yojana chu “Kisan Apman Yojana” zawk nia sawiin loneitute hnuaichhiahna a ni a ti a, PM Modi chu a campaign lai chauh-a mipuite ngaihsakah a puh a, kum 5 a sorkar chhungin ama dinna bial ngei, Varansi mipui te pawh a tlawh lo a ni a ti.
BSP hotu Mayawati chuan PM Modi chu a sorkar rei tawh dawn lo nia sawiin, sorkar chu lawng pil mek nen a tehkhin a, BJP chu anmahni thlawptu Rashtriya Swayamsevak Sangh te pawhin an thlauhthla tawh niin a sawi.
