Political Party aiawhte chuan vote thlak dan chungchangah lungawi lohna an neih loh thu leh District chhungah thil duhawm lo thleng leh sawisel ngai a awm loh thu sawiin inthlanna felfai leh muanawm taka neih theih a ni chu lawmawm an tih thu an sawi a, Election Commission of India duhdan anga Voter Slip bakah vote thlak tuten anmahni nihna ti chiang tura Identity Proof an ken tel ngai ta chuan vote tla zat tura beisei a hniam phah hret nia an hriat thu an sawi.
General Observer chuan Mizoramah boruak nuam tak hnuaia felfai taka vote thlak zawhfel a ni thei chu lawmawm a tih thu a sawi a. District Election Officer Dr. Lalrozama pawhin political party leh mipuite \awiawmna \ha tak an dawng chu lawmawm a tih thu a sawi
Scrutiny-ah hian Mamit District chhunga Assembly Constituency pathuma Vote tlak dan tarlan a ni a, Hachhek Assembly Constituency-ah za zela 60.50 vote a tla a, Dampa-ah za zela 68.28 leh Mamit Assembly Constituency-ah zaah 66.12 a tla a ni.
