Lok Sabha inthlanna neih mekah vote thlak thawh 6-na neih turah campaign chhunzawm zel a ni.

0
450
views

Vote thlak thawh 6-naah hian ni 12 khian state 7-a bial 59-ah mipuiten vote an thlak dawn a, political party hotute chu mipui vote hmuh tumin ram chhung hmu hrang hrangah an campaign a ni.

PM Modi chuan Haryana-a hmun hnihah mipui hmaah thu a sawi a, BJP candidate te \awiawmin New Delhi-a Ramleela Ground-ah vantlang inkhawm a chhim bawk a ni. BJP President Amit Shah chuan Jharkhand-a Karkenda-ah mipui hmaah thu a sawi bawk a ni.

Congress President Rahul Gandhi chuan Madhya Pradesh-ah campaign-in Bhind, Morena leh Gwalior-ah mipui hmaah thu a sawi a, Congress General Secretary Priyanka Gandhi Vadra chuan North East Delhi leh South Delhi-ah roadshow a huaihawt a ni.

Delhi Chief Minister leh AAP hotu Arvind Kejriwal chuan Madanpura Chowk a\angin Chander Vihar thleng roadshow a huaihawt a, BSP hotu Mayawati leh SP hotu Akhilesh Yadav te thawk dunin Azamgarh-ah vantlang inkhawm an huaihawt bawk.

Hetihlai hian Election Commission chuan vote thlak thawh 5-na neih ni May ni 6 khan Bihar-a Muzaffarpur-a community hall-ah EVM engemawzat hmuhchhuah a nih avangin hemi ni-a police duty 4 te chu an hnathawh tur an hlenchhuah loh vangin a ban lailawk a ni.