Lok Sabha inthlanna neih tura MNF Candidate Pu C Lalrosanga’n vawiin khan Mamit District khaw hrang hrang Mamit, Chuhvel, Saikhawthlir, Zamuang, Zawlnuam, Bung\huam, Kanhmun, Rengdil, Kawrthah, Tuidam leh Darlak te fangin, Campaign beihpui a thlak.

0
344
views

Pu C Lalrosanga chuan, Lok Sabha member atana thlantlin a nih chuan, Mizo mipuite duh loh Citizenship Amentmend Bill 2016 chu Parliament-a pass tuma thar thawh a nih chuan a dodal zawngin a vote dawn tih a sawi a, Mizoram tih hmasawn kawngah a\angkai thei ang bera thawh a tum tih a sawi.

Pu C Lalrosanga chuan, hmarchhak State bakah Central lama Sorkar hnathawka a awm laiin State dang hmasawnna chu Mizoram tan a awt ve \hin tih a sawi a, Mizoramin kawngpui \ha zawk a neih zel theih nan te, inbiakpawhna lamah tun aia hma a sawn theih nan te leh kawlphetha \ha zawk neih theih nan te Mizoram sorkar tha tichaktu nih a tum thu a sawi a, \halaite Sports, music leh kawng hrang hranga hma an sawn theihna turin kawng dapsak a tum thu a sawi bawk. Pu C Lalrosanga chuan vote chauh ni lo, hnam hmangaiha penchhuahpui tur a zawng tih a sawi a, Sorkar laipui Scheme tam tak awmte haichhuah kawngah Mizoram sorkar nasa taka a puih theih a rin thu sawiin, Sorkar nena inngheng riala hma la ho thei, ruling MP Mizoramin a neih chu thil pawimawh niin a sawi.

Pu C Lalrosanga hi MNF party hruaitu ten an \awiawm a, naktukah Sesawng, Khawruhlian, Ratu, Sakawrdai, Darlawn, Suangpuilawn, Phullen, Saitual, Keifang leh Seling khuate a tlawh leh dawn a ni.