Lok Sabha inthlanna neih tura PRISM Candidate Pu TBC Lalvenchhunga’n mipui vote hui tum nana Politician ni lo te politics-a kaih luh chu thil fuh lo, siam\hat ngai niin a sawi.

0
254
views

Vawiina Lawngtlai Press Club-a thuthar thehdarhtute a kawmna ah, PRISM Candidate chuan, Politics mual ah chuan Politician ten hmathlir neiin chumi tihhlawhtling tur chuan hma an la \hin a, Politics-a dai hriat nei lo, thildanga mite hriat hlawh leh mi hming\ha dap ringawt chu ram tan a \ha ber lo a ni a ti.

Pu TBC Lalvenchhunga chuan Mizoram leh hnam a him chu an duh ber a nih thu sawiin, a him lohna tura hmalakna ang chi reng reng chu a tawp thleng do tlat a tum thu a sawi a, a \ul chuan Parliament house ah Private Resolution pawh putluh a inhuam tih a sawi. Pu TBC Lalvenchhunga hian hna thar siam kawngah hmalak nasat a tum thu pawh sawiin, hna thar tam zawk haichhuah a \ul a ni a ti a, hmasawnna hna thawk turin an Party chuan ruahmanna fel tak a siamsa vek niin a sawi

PRISM Candidate Pu TBC Lalvenchhunga hian vawiin tlai khan Areopagy, Lawngtlai ah Street Campaign neiin, amah chu awmze nei a aw nei thei niin a insawi a, MP atan amah chu thlang turin mipuite a sawm a ni.