Lok Sabha inthlanna vote thlak thawh khatnaah Mizoramah pawh Lok Sabha member pakhat thlengin boruak muanawm tak hnuaiah mipuiten vote an thlak a, hriat theih chinah vote tla hi zaa 60 chuang a ni.

0
421
views

Vote thlak theih hun hi tukin dar 7 khan hawn \an niin, Polling Station \henkhatah chuan vote thlak theih hun hawn a nih veleh vote thlak tura kal mi \hahnem tak an awm nghal a, Polling Station \henkhatah erawh chuan vote thlak tur hi an awm mai lo a, a bikin zingkarah hian kum upa lam vote thlak hmuh tur an tam zual a ni.

Tun \um inthlanah hian vote nei mi 7,92,464 an awm a, heng mi te hi Mizoram chhung cheng mi 7,87,777 leh State danga awm, Mizorama vote nei mi 4,687 te an ni. Mizoram chhunga vote nei 7,87,777 zinga 3,83,603 chu mipa an nih laiin 4,04,169 chu hmeichhia an ni a. Mipa aiin hmeichhia vote nei chu 20,566-in an tam zawk a, vote nei zingah mahni nihna thlak thleng (transgender) mi 5 an awm a, pianphunga rualbanlo 3,331 an awm bawk.

Assembly constituency 40 zingah Lawngtlai District-a Tuichawng bial chu Vote nei tamna ber niin, mi 31,470 an awm. Vote tlemna ber Lunglei District-a Thorang bialah chuan vote nei mi 13,563 an awm a, polling Station 1,175 ah vote hi thlak a ni. Vote thlak hi mi 4,812 in an buaipui a, polling party te hian vote thlak zawh veleh EVM te hi District khawpui \heuhah an phur khawm ang a, May ni 23-a ram pum huapa vote chhiar a nih hma chu vote thlakna khawl te hi pindan awmkhauh, Strong Room ah dah \hat an ni ang. Inthlan vuakvetah hian venhimna lam buaipui turin mi 4,409 ruat an ni a, chung zinga sipai company 12 chu Central Armed Police Force an ni a, a bak zawng chu Mizoram Police te an ni.