Pu Robert Romawia Royte chuan, Tuithiang leh Armed Venga Local Council-te Congress a\anga MNF-a an inlet ta chu fakawm a tih thu sawiin, MNF chu Mizo zawng zawng lenna Hnam party anih angin midangte pawh MNF sawm lut zel turin a bial mipuite chu a chah a ni.
Lok Sabha thlanna neih tura MNF Candidate chu mi \ha tak a ni tih sawiin, Central lama tlangnel sa leh Mizoram Sorkar \ha taka thawhpui thei tur a nih avangin mipuite vote \heuh turin a sawm a. MNF kaihhruai Mizoram Sorkar thar chu thla 3 leka upa ni mah se, an hnathawh dan chu Sorkar hmasa nen a danglam hle a, an lakah mipuiin beiseina nung an neih thar avangin nikuma State Assembly inthlanpui neih zawh taka Congress leh ZPM vote tu tam takin MNF candidate an vote tawh dawn tih a chiang a ni, a ti.
Pu Robert Romawia Royte chuan, ZPM leh Congress party worker tam tak chuan thawh ho an duh loh avangin tun \uma inthlanna neih turah pawh hian an phur lo hle niin a sawi a. Aizawl West-I MLA Bye Election leh MP thlanna neih turah zu zawrh duhlo Party, MNF Candidate-te an tlin ngei theih nan a bial mipuite chu \anla \heuh turin a sawm bawk.
