Lok Sabha inthlanpui vawi 17-na neih hun tur puan a ni.

0
437
views

Chief Election Commissioner Sunil Arora’n inthlanpui neih hun tur hi nizan khan
New Delhi-a a puang a, vote thlak hi thawh 7-a neih tur a ni a, thla leh April ni 11 a\anga vote thlak \anin, state 29 leh union territory 7-a mipui vbc 90 t’en Lok Sabha member 543 an thlang chhuak dawn a, Vote thlak thawh hnuhnung ber chu May ni 19-ah neih a ni ang a, May ni 23 khian vote tla te hi a ruala chhiar a ni ang. Inthlan hun puan rual hian Election Commission-in a duan Model Code of Conduct hman nghal a ni.

Inthlan thawh 1-naah Mizoram tiamin state 20-a Parliamentary constituency 91 ah mipuiten vote an thlak ang a, thawh 2-naah state 13-a parliamentary constituency 97, thawh 3-naah state 14-a parliamentary constituency 115, thawh 4-naah state 9-a constituency 71, thawh 5-naah state 7-a constituency 51, thawh 6-naah state 7-a seat 59 leh thawh 7-naah state 8-a seat 59 ah inthlanna buatsaih a ni ang. Assam, Chhatisgarh, leh Jharkhand-ah inthlan hi thawh thum-a kalpui a ni dawn a, Madhya Pradesh, Maharashtra leh Odisha-ah thawh 4-a kalpui a ni dawn bawk a, Jammu and Kashmir chu thawh 5-a kal pui a ni anga, thawh 7-in West Bengal, Bihar, leh Uttar Pradesh an inthlang dawn a ni. Lok Sabha inthlanpui buatsaih rual hian Andhra Pradesh, Odisha, Sikkim leh Arunachal Prdesh-ah te Assembly inthlanpui neih nghal a ni dawn a, Jammu and Kashmir bikah Lok Sabha inthlanpui endiktu 3 ruat an ni dawn a, Assembly inthlan erawh kalpui a ni dawn rih lo tih CEC chuan a sawi.