Lok Sabha inthlanpuia an chet \hat loh avanga ban a duh thu sawi chhuaktu Rahul Gandhi-a’n a thusawiah a la ding reng tih sawiin, party hotu thar tur ruat tura hmalaknaah a inrawlh lo tih a sawi.

0
502
views

Congress party inrelbawlnaah engkim felfai taka tih anih theihna turin engmah inrawlh a tum rih lo tih Rahul Gandhi hian a sawi. Lal chhungkaw inthlah chhawng anga hruaitu lu inruat a ni \hin chu congress party inrelbawlna kalphung duh lo tuten an sawisel ber a ni a, Lok Sabha inthlanpui zawhfel anih hnuah he thawm hi a ring zual a, 2014 leh kumin inthlanah te Congress hi a hniam zawnga kalin, kuminah seat 52 chiah an la phak a, 2014 ah phei kha chuan seat 44 chiah an la phak a ni. Party President Rahul Gandhi-a’n Amethi bial a hloh tel bawk chuan an chak loh hi a ti langsar zual bawk. Inthlan result puan anih hnuah Rahul Gandhi hian an chak loh chhan chu a mawhah a la fai vek tih sawiin, Congress Working Committee ah ban a duh thu a puang a, party erawh chuan a remti lo thung.

Lok Sabha-a an hruaitu tur atan Rahul Gandhi hi sawm nimahse, a hnial tlang a, party hruaitu hlun Adhir Ranjan Chowdhuri chu ruat a ni ta zawk a ni. Rahul Gandhi hian party tan theihtawp chhuah chhunzawm zel a tum thu erawh a sawi thung.