Lok Sabha leh Aizawl West I bial Bye Election neih tura inbuatsaihna chuan a vawrtawp a thleng ta a, campaign theih hun tawp vawiin tlai dar 5 thleng khan Political Party hrang hrangte chu theihtawp chhuahin an campaign a ni.

0
404
views

Congress leh ZPM Joint Campaign Committee chuan vawiin khan Aizawl Vanapa Hall-ah Campaign kharna inkhawm an buatsaih a, he inkhawma thusawitu MP Candidate, Pu Lalnghinglova Hmar chuan, tuna inthlan an hmachhawn tur chu Citizenship Amendment Bill duhtu leh duh lotute indona a ni tih sawiin, tun thlenga mipuiten CAB duh lotute lam an \ang nia a lang chu an lawm hle tih a sawi a. He inthlanah hian amah chu thlan tlin a nih chuan BJP lian zel tur leh an thil tum \ha lo tak tak CAB, Uniform Civil Code leh thil dang tam tak a dodal thei dawn a ni, a ti a. Hetiang ni lova, MNF candidate chu thlan tlin a nih thung erawh chu a thawhpui tur BJP chu CAB kalpui tumtu a nih avangin Mizo mipuite himna atan a hlauhawm theih dawn avangin mipuite chu vote an thlak hunah ngaihtuahna fim tak hamng turin a chah a ni. Aizawl West I bial Bye Election neih tura mipui candidate, Pu Lalbuanga Sailo pawhin, tling ngei turin an dinhmun a \ha hle a ni, a ti a. He inthlannaa a khingpui MNF candidate chu nikum lawka state Assembly inthlanna neih zawh taka MNF Candidate tlak theih nana a ruka beitu a nih avangin an party chhungah lungrual lohna a awm niin a sawi.

Prism Party pawhin vawiin khan Aizawl khawpui chhung hmun hrang hrangah Street Campaign an buatsaih a. Heta thusawitu Prism MP Candidate, Pu TBC Lalvenchhunga chuan, Mizo mipuite hlauh rawn CAB chu BJP-in kal tlangpui ngei a tum avangin a dodal thei ber tur amah chu thalng tling turin mipuite a ngen a. An tum lawk anga CAB hi thar thawh leh a nih chuan a dodal turin Right to Secession Bill chu Parliament-ah a pulut dawn a ni, a ti a. Tripura-a awm mek Tuikuk-te Mizoram mi dik tak nihna pek an ni chu dan dik lo a nih avangin MP a nih chuan a dodal tura theihtawp a chhuah a tum thu sawiin, Pu TBC Lalvenchhunga chuan, Bangladeshi a\anga dan lova Mizorama lo lut leh cheng mekte hnawhchhuah an nih theih nan hma a la dawn a. Dan lova ram dang a\anga lo lutte chu CAB kalpui anih hma ngeia hnawtchhuak turin Mizoram sorkar a phut tih a sawi a ni.

MNF pawhin vawiin khan Campaign kharna inkhawm Hnam Runah an nei a, heta thusawitu MNF President, Pu Zoramthanga chuan an khingpui political party zingah ram, hnam leh sakhua himna duh ber niawma au si vai party-a la awm reng an awm tih a sawi a, hetig bawk hian party zawm thlak zing tak pawh an awm niin a sawi. Pu Zoramthanga chuan, CAB chu Political Party hrang hrangin an inhuatsiak niin a sawi a, a hawtu tak tak chuan a chukna tur hmunah tak an chuk a, Party dang zingah CAB an dodala an hmalakna ang zatve pawh thleng an awm lo niin a sawi. MNF MP Candidate, Pu C Lalrosanga pawhin, thlan tlin a nih chuan Lal Isua avanga MP danglam nih chu a tum a nih thu a sawi a, amah chu kilkhawr ber thleng pawhin bei mah se, zam mai a tum loh thu leh Pathianin Sorkar \ha leh chak tak thlawp tura a ruatna chu tihhalwhtlin zel a tum thu a sawi.