Lok Sabha rorel inkhawm-ah eptu pawl-te an bengchhen nasat avangin inkhawm tihtawp leh a ni. Vawiin hi Budgetpharh a nih a\anga Lok Sabha inkhawm tihtawp a nih \um kua-na a ni tawh a, party hrang hrangte’n Punjab National Bank thubuai chungchanga an lungawilohna an aupui bakah, NDA thawhpui, Telugu Desam Party lam pawhin Special Category-a Andhra Pradesh dah phutin inkhawm an ti buai bawk a ni. Rorel theih a nih loh vang hian nimin khan sawiho lovin, April ni 1 a\anga hman \an tur Union Budget chu pass a lo ni tawh a, vawiin lama inkhawm-ah zawhna hun hawn a nih a\angin party hrang hrang MP-te hian Speaker Sumitra Mahajan dawhkan an pan khawm a, an lungawi lohna thu te an aupui leh a, Parliamentary Affairs Minister, Ananth Kumar chuan eptu pawl-te hi an \hutnaa kir tur leh rorel chhunzawm remti turin a ngen a, bank kaltlanga sumdawng \henkhatin sum an tih chingpen te, Cauvery lui tui semzai dan tur ngaihtuahtu tur pawl din te leh Andhra Pradesh chungchang-te chu sorkarin sawiho a inpeih reng a ni a ti a, sawiho thei tur chuan rorel inkhawm a kal tluan phawt a ngai a ni a ti.
Rajya Sabha-ah pawh eptu lama awm, Congress MP-te’n inkhawm an auh buai nasat vangin rorel inkhawm tihtawp a ni a, Telugu Desam Party MP YS Chowdary-a’n Congress kaihhruai UPA sorkar laia Andhra Pradesh ram \hen a nih dan a sawi danah an lungawi lo hle. Chowdary hi Union Cabinet a\anga a ban avangin, House Chairman M Venkaiah Naidu chuan thusawina hun a pe a, kum 2014-a Andhra Pradesh a\anga Telangana State thar siam a nih danah, Congress kaihhruai UPA chu hmanhmawh lutuk leh awmze nei lo taka ram \hen hrangah a puh vangin Congress MP-te chu house laiah kal khawmin an lungawi loh thu an aupui nasa hle a, Pu Naidu chuan Rajya Sabha chu politics khelhna hmun a nih loh thu sawiin, inkhawm a ti tawp ta a ni.
