Lok Sabha Speaker Sumitra Mahajan-i’n Priyanka Gandhi Vadra-i politics-a a zuan luh chungchang a sawi dan chuan sawisel a hlawh nasa hle a, Speaker a nihna zawnah awn lam nei lo tura ngaih a nih laiin, a sawi loh tur sawia ngaitu an tam hle.

Priyanka-i’n Politics a zuan luh chhan chu Rahul Gandhi-a’n politics-a a mawhphurhna a hlen zawh loh vang a ni a, a farnu puihna a mamawh ta a ni tiin Speaker Sumitra Mahajan hian Ningani khan a sawi. BJP hruaitu hlun, kum 1989 a\ang tawha parliament member lo ni tawh, Sumitra Mahajan hian party ah nihna a dil ngai loh thu sawiin, Lok Sabha inthlanpuia a chuh tur leh tur loh pawh party thu a ni tih zawhna chhangin a sawi.

Priyanka Gandhi chungchanga a thusawi sawiseltute zing ami, Jammu and Kashmir chief minister Omar Abdullah chuan politics-a hniam taka inbeihna nia a ngaih thu sawiin, Speaker post a luah loh hnua sawiah khek zawk se a duh thu a sawi. Priyanka Gandhi hi Rahul Gandhi aia kum 2-a naupang a ni a, congress party chuan Uttar Pradesh khaw chhak lam viltu General Secretary atana ruat a nih thu Nilaini khan an puang a ni.