London-a kal tum, Yes Bank dintu Rana Kapoor fanu, Roshni Kapoor chu Mumbai |umhmunah police ten an dang.

0
47
views

Roshni Kapoor hi Yes Bank-in harsatna a tawh vangin a chhungte laka eirukna finfiahna neih lai meka zin a tum vangin |umhmunah hian an lo dang a, Enforcement Directorate-ah a chhungte hi thu zawhfiah turin tun thla ni 11 thleng hren an ni dawn a ni.

Delhi leh Mumbai-a an chenna in an dap hnuah Rana Kapoor hi financial crime investigator ten Pathianni khan an man a ni.

Enforcement Directorate ukil chuan Yes Bank chu Dewan Housing and Finance Ltd. debentures cheng vbc 3,700/- man hu leiah a puh a, Doit company chu cheng vbc 600 loan a pe, he company hi Rana Kapoor-a fanu pathum, Roshni Kapoor, Rakhee Kapoor Tandon leh Radha Kapoor te company a ni.

ED aiawha Court-a ding Sunil Gonsalves chuan sum lama pawikhawihna belhkhawm kal zel chu cheng vbc 4,300 a tling tawh tih sawiin, Rana Kapoor hian endikna an neih mek chu a ngaihsak \ha duh lo tih a sawi bawk.

Kapoor chuan amah an puhna chu pha-in, a ukil Zain Shroff chuan Yes Bank hmangtu mipui thinurte vangin Kapoor chu awm ngaihna hre lovin an dah mek tih a sawi a ni. Yes Bank hi Reserve Bank of India chuan leiba rul thei lo moratorium-ah a dah a, a tlem berah Rs. 50,000/- dah turin a ti bawk a ni.

Kar kalta Ningani khan RBI chuan Yes Bank buaina chu a kutah dahin, a din chhuah leh nan ruahmanna a siam a, State Bank of India chuan Yes Bank tundin lehna turin za zela 49 lei nan sum dah a remtih thu a sawi a ni.