London bridge-a mi pahnih vithlumtu leh mi pathum hliamtu chu tun hmaa firfiaka chetna vanga thiam loh chantir tawh, lunginah pawh hun rei tak lo tang tawh, kum 28 mi, Usman Khan a ni tih hriat chhuah a ni.

Usman Khan hi kum 2012 khan firfiaka chetna vangin thiam loh chantir a ni a, kum 2018 khan chhuah zalen niin, tan in a\anga an chhuah hma hian a chin hriat nan electronic tag inbel reng tura intiam tir a ni a, amaherawhchu, a intiam anga a awm loh vangin a chenna nia hriat Staffordshire-ah police ten an zawn mek laiin London leiah Zirtawpni khan rawng takin pawi a khawih leh ta a ni.

Lung in tangte mahni kea ding leh thei tura an dinhmun siamsak tura conference an neihna hmun, Cambridge University awmna Fishmonger Hall, London Bridge hmar lamah inbeihna hi thlengin he conference-ah hian Usman Khan pawh hi a tel ve nia hriat a ni.

Usman Khan hi mipui pungkhawmin an dan beh hnuah police ten an kaphlum a, a pawikhawih hi firfiaka chetnaah an puang a ni.