Lungalthei khur sem thubuaiah Madhu Koda leh HC Gupta thiam loh chang

0
338
views

Jharkhand CM hlui, Madhu Koda leh Coal Secretary hlui, H C Gupta chu lungalhthei khur sem thubuaiah thiam loh chantir an ni. Special CBI judge, Bharat Parashar chuan Koda leh Gupta b^kah hian Jharkhand Chief Secretary hlui, AK Basu leh private company, Vini Iron and Steel Udyog Ltd (VISUL) pawh Kolkata-a VISUL hnena Jharkhand-a lungalhthei khur, Rajhara North coal block p>k chungchangah thiam loh a chantir a, hrem dan tur pawh a ngaihtuah zui dawn a ni. He thubuaiah hian mi pali – VISUL Director, Vaibhav Tulsyan leh sorkar hnathawk pahnih – Basant Kumar Bhattacharya leh Bipin Bihari Singh chu thiam chantir an ni a, Chartered Accountant, Navin Kumar Tulsyan pawh thiam a chantir bawk. He thubuai hi a lian hle a, CBI sawi dan chuan, kum 2008 January ni 8 khan VISUL company hian Rajhara North coal block hi a dil a, mahse Jharkhand sorkar leh Steel ministry-in tihhlawhtlin atan a rawt lo a, heti chung hian Screening Committee \hutkhawmnaah VISUL dilna hi tihhlawhtlin ni se tih a ni ta a ni. CBI chuan, khatih laia Screening Committee Chairman, Coal Secretary, H C Gupta chuan he thil chungchanga thil pawimawh tak takte chu khatih laia Coal Ministry enkawltu, PM, Manmohan Singh lakah a z>p a, Jharkhand sorkar ngaihdan pawh hi a hrilh lo a ni.

Madhu Koda hi kum 2006 September thla a\angin Jharkhand CM a ni a, khatih lai khan an state-a thir leh lungalhthei khur sem chungchangah thamna tam tak la a, dan kalha thil ti \hinah puh a ni a, hetiang thil fel lo a\ang hian a thawhpuite nen cheng vbc. 4,000 vel an nei hman nia hriat a ni.