Lunglei Chanmari YMA Hall, Rs 4,96,19,000/- senga sak chu nimin chawhnu khan Chief Minister, Pu Lal Thanhawla’n a hawng.

0
245
views

He Hall hi DoNER a\anga sum hmuh hmangin kum 2015 a\ang khan sak \ana, thla hlui khan zawhfel a ni. He Hall zau zawng hi a pumpuiin Square meter 1148a ni a, a chhawng hnuai berah Basketball Court leh Badminton Court 3 dah theih a ni a, he building-ah hian vantlang inkhawmna hall, gallery, incheina leh inthiarna te pawh siam vek a ni.

Hawnna thusawiin Chief Minister chuan sorkarin \halaite hmasawnna tur ruhrel pawimawh a dinte chu \ha taka chhawr \angkai tum turin \halaite a fuih a, a enkawl kawngah mitin neitu rilru pu turin a chah bawk. Pu Lal Thanhawla chuan mi retheite dawmkanna tura NLUP sorkarin a kalpui mek chuan rah \ha tak a chhuah a, Mizoram mipuite economic dinhmun \hang chho zel chu rampum huapa State hrang hrang nena khaikhin pawhin a \ha zual pali zingah a tel phak niin a sawi a, NEDP nena \angkawpin huam zau zawka mipuiten he hmalakna hi an chhawr \angkai theih dan tur ngaihtuah niin a sawi a, Mizoram hmasawnna tura hmalakna lian zualte sawiin, Kaladan Multi Modal Transit Transport Project pawh tura Sairang a\anga Lawngtlai thleng rel kawng siam tum a nih thu a sawi bawk. He inkhawmah hian PWD Minister, Pu Lal Thanzara leh LAD Minister, Pu PC Lalthanliana te pawhin thu an sawi a, inkhawm hi Pu Joseph Lalhimpuia MLA-in a kaihruai a ni.