Lunglei District Congress Committee chuan vawiin khan Lunglei Press Club-ah thuthar lakhawmtute kawmin an party Manifesto leh inthlanna kaihhnawih thildang an sawifiah.

0
368
views

 

Lunglei District Congress Vice President, Pu KL Chhawnzauva chuan Congress a sorkar chuan mipui mamawh dan a zirin NLUP leh NEDP chhunzawm zel tum a ni tih a tarlang a, inkaihhruaina pawh a \ul dan a zirin siam\hat zel a ni ang a, pawisa hlutna a tlakhniam zel avangin \anpuina inpek zat pawh tihpun theih a ni dawn niin a sawi a, thingtlang a cheng, miretheite chenna in sakna tur Scheme pawh tuna kalpui lai aia tama siam tum niin a sawia, Education Deptt. leh Police Deptt. hnuaia hnathawkte chenna tur quarters pawh tam zawk sak tur niin a sawi. Thuthar thehdarhtute an kawmnaah hian Lunglei District Congress hruaitute chuan an party manifesto-a tarlan angin kumtinin HSLC leh a chunglam pass thar hnenah laptop pek an tum thu an sawi nawn leh a, MNF leh BJP chu sam inphiar zawm tlat niin an sawi a, hmarchhak biala Congress ni lo party te thawhhona North East Democratic Alliance-ah hian MNF chu a tel ngei niin an sawi.