Lunglei District huam chhungah ram dang mi dan lova khaw din an awm em tih sorkarin a enfiah.

0
335
views

Hemi chungchanga ZONET zawhna chhangin LAD Secretary Pu Rodney L. Ralte chuan, Chakma te dan lova Mizoram a rawn lut an awm tih sorkarin a hre tawh tih a sawi a, hetihlai hian ramri vengtu sipaite erawh chuan an report-ah hetiang mi an awm loh thu an sawi fo thung tih sawiin hemi avanga hian sorkarin ramdangmi zawn chhuah chu \ha a tih avangin Home Department-in a kalpui mek tih a sawi a, an tha ti chaka puih pahin LAD pawhin dan lova khawdin a awm em tih an enfiah nghal tih a sawi.

Pu Rodney L. Ralte chuan, dan lova khaw din awm te chu khawi a\anga rawn kal nge an nih tih zawh an nih thu a sawi a, he enfihna hi Lunglei DC kaihhruainaa kalpui mek a nih thu leh eng zat nge awm tih chu an la hriat theih loh thu a sawi. Sorkar hmalakna avang hian tun hnai khan Chakma pawl hrang hrang te chuan Mizoram sorkar chu NRC kalpuiah puhin an kalpui danah inthliarna a awm nia sawiin Prime Minister hnenah ziakin Mizoram sorkar an hek a, hemi chungchangah hian Sorkar laipui atangin emaw Prime Minister pisa a\angin emaw zawhna leh insawifiah tura tihna emaw engmah an la hmu lo tih Pu Rodney L. Ralte hian a sawi.