Lunglei District ZPM Office hawng

0
685
views

Lunglei District ZPM Office chu vawiin khan ZPM Steering Committee Chairman, Pu Lalliansawta’n a hawng a. A hawnna inkhawm, Lunglei District ZPM Steering Committee Vice Chairman, Pu PC. Hranghnuna a kaihhruaiah hian ZNP President, Pu Lalduhoma chuan, |angrual Pawl-in kut hnathawktute ngaih pawimawh a tum thu leh, Mizorama leilet atana siam theih ram awl la awm zawng zawng chu leilet atan siam a nih tur thu sawiin, Agriculture Deptatment chu a upat tawh ngaihtuahin leilet atan a siam theih zaa 23 chauh siam a la ni chu thil mak tak niin a sawi. Pu Lalduhoma chuan, ZPM-in thuneihna a chan chuan kut hnathawktute thar chhuah thlai thar leina tur, Budget-ah dah a nih tur thu leh lo neitute buh thar zawng zawng lei sain, Ration atan sem a nih tur thu a sawi bawk.

MPC Vice President, Pu Vanlalhlana pawhin, Mizoramah buh thar theihna hmun a zau zia ngaihtuah a ei leh bara Mizoram a la intodelh loh si zia leh kawlphetha hman khawp la awm loh chhan chu MNF leh Congress sorkarin hma an lak mumal loh vang niin a sawi a, ZPM aiawh, Pu PL Liandinga pawhin, mipuiten an chanvo an chan loh nasat lutuk vanga ZPM luhchilh ta a nih thu sawiin, tun ang dinhmuna Mizoram a din chhan chu mifing, mifel, mithiam leh mi dik zawkte inrawlh duh lova, an ngawih tlat vang niin a sawi. Tun thla 7 kal ta chhunga kawng chhiat avanga mipuite hun leh tha hloh tawh zawng zawng chu channa nasa tak a ni tih sawiin, Pu PL Liandinga chuan kawngpui hi siam \hat ni leh mah se, lawmna tur a awm chuang lo niin a sawi bawk.