Thusawiin Pu Joseph Lalhimpuia chuan Congress party chu an thutiama ding \hin leh an sorkar hruaitute pawh an thutiam tihlawhtling tura hmala \hin niin a sawi a, mi retheite chhanchhuahna atana NLUP an siam chu mi retheite dawmkan nan \angkai taka hman a nih avangin opposition party ten dodalin titawp turin nasa takin hma an la, amaherawhchu, an hmalakna chu chunglamin a remtihpui loh avangin a hlawhchham niin a sawi a ni. Pu Lalhimpuia chuan an party a\anga bangta, Pu Lalrinliana Sailo leh an party duhdan kalha a chet vanga hnawhchhuah tak, an party Vice President ni \hin Pu Lalzirliana te chhuah vangin an party chu a nghing lo niin a sawi a, Tuichang bialah phei chuan an party dinhmun a \ha hle niin a sawi a ni. Mizoram Youth Commission Chairman ni bawk, Pu Lalhimpuia chuan Mizoram Youth Commission hmalaknain \halaite ham\hatna tam tak an siam tawh niin a sawi a ni. He inkhawmah hian an party zawm tharte lawmluh anni.
