Lunglei High Power Committee Vice Chairman, Pu Lawmawma Tochhawng MLA-in Assembly thlasik \hutkhawmna neih zawh taka Minister hrang hrangin an Department chan an bel em em khan neitu thinlung pu an nih zia a tilang chiang hle a ni, a ti.

0
565
views

He thu hi vawiina Lunglei Mizo Hnam Run-a chhung inkhawmah sawiin, Pu Lawmawma Tochhawng chuan, Assembly thlasik \hutkhawmah khan MNF kaihhruai sorkar-a Minister leh MLA-te ram leh hnam tana an inpek zia a lang chiang hle a ni, a ti a. MNF kaihhruai sorkar Falgship Programme, SEDP pawh a taka kalpui dan tur an ruahman fel chho mek a, tunah hian SEDP hnuaiah Board 14 din tawh niin, \huthmun an remfel mek a, tun a\anga rei loteah Zoramin hmelthar a hmuhna tur SEDP hmangin an thawk \an dawn a ni, a ti. Pu Lawmawma Tochhawng chuan, Mizoten an tih ve theih reng, vairam a\anga sum tam tak senga lak luh thin chu SEDP hmang hian titawpin mipuite an intodelh tawh dawn a. Hemi hmang hian mi sang telin eizawnna an neih phah dawn tih sawiin, thil \ha leh rotling nei tur chuan hun leh tha sen a ngai a, vawi leh khata thleng nghal zung zung thei a nih mai loh \hin avangin Mizo mipuite pawhin an nghah peih a, dawh theih an zir a ngai dawn a. Mipuite chu eptu pawlte sorkar beihna mai mai an ngaihtuahna hruaisual tir lo tura chahin, ram neitute rorelna-a rinna nghat ngam turin a chah a ni.