Lunglei khawpui chhim lam leh hmar lama duty tur Mobile Patrol VAn ruahman

0
443
views

Lunglei District SP, Pu J. Lal\hafamkima ruahman angin Lunglei khawpui chhim lam leh hmar lama duty tur Mobile Patrol Van ruahman a ni a, heng Police duty turte hi nimin khan Lunglei Police Station-ah Lunglei High Powered Committee Vice Chairman, Pu S. Laldingliana’n a thlah liam. An chhuah hma lawka Thana kawta inkhawmah thu sawiin Pu S. Laldingliana chuan Krismas leh kum thar lo thleng tur chu boruak \ha leh muanawm tak hnuaia mipuiten an hman theih nana \an latute chu Lunglei High Powered Committee-in \anpui a inhuam reng tih a sawi. He inkhawmah hian Lunglei District SP, Pu J. Lal\hafamkima pawhin dan leh thupek ken kawhna lama chak zawka hnathawh theih nan sorkarin Lunglei District tan gypsy thar 2 a pe a, chungte chu Police Outpost-ah dah a ni a, motor hluite chu chei \ha-in, Mobile Patrol Van atan hman niin a sawi a, Mobile Patrol Van te hi Sub Inspector emaw, Assistant Sub Inspector-in emaw hovin khawpui chhung an vil reng ang a, pawi khawihna a thlen loh nan nasa takin \an an la dawn niin a sawi. Heng Mobile Patrol Van-ah hian siren, beacon light leh inbiak pawh zung zung theihna tur wireless set vuah a ni.