Lunglei North bial huam chhunga Pukpui khuaa Congress party campaign office chu vawiin khan UD&PA Minister, Pu Zodintluanga’n a hawng.

0
515
views

Thusawiin Pu Zodintluanga chuan tun inthlanna neih tura Congress Party Nomination Committee, MLA nilai pakua bakah Speaker leh Deputy Speaker te thlenga candidate nih tir lova a chawlhtir nachhan chu Congress party boruak \hat vang niin a sawi a, inthlanna neih tur thawm a lo rik khan an bial ngaia din nawn tum tawh lo leh ding ngam tawh lo Home Minister, Pu R. Lalzirliana chu MNF-in an party-a lawmlutin inthlan campaign bul key sang taka la-in hming thup policy hmangin an \an a, tuna party dang an han chet tak tak hnuah MNF chuan chet ngaihna an hre ta lo niin a sawi a, MNF sorkar lai khan hmasawnna tura hmalakna chi hrang hrang tichhe vekin ekin kal thei, mawza manto, kelpal tih velah buaiin an hruaitu lu chuan thubuai a nih phah niin a sawi a, tuna an party MLA 5 neih laite chu he inthlanna neih turah hian a tling nawn leh dawn tawh lo niin a sawi bawk. Thusawitu dang, Lunglei North biala an party candidate, Pu PC Lalthanliana pawhin Zoram chhim lama bial 12 te chu Congress-in an lak kim vek loh pawhin Serchhip bial a\angin bial 11 tiin an tlinna bial hmar lam hawiin an chhiar \an dawn niin a sawi a, Pukpui leh a chhehvel khuaa sorkar hmalakna zawng zawng tluang taka chhunzawm leh a nih theih nan an aiawha amah chu thlang tling leh turin mipuite a ngen a ni.