Lunglei South Constituency BJP Booth Level Workers Meet chu vawiin khan |awipui North-II Community Hall-ah neih a ni.

0
535
views

A hmanpuitu State BJP General Secretary, Pu Vanlalhmuaka chuan BJP thil tum ber chu hmasawnna hnathawh a ni tih sawiin, ram chhunga in leh lo nei lo zawng zawngin chenna in an neih theih nan Prime Minister Pu Narendra Modi-a kaihhruai Sorkar laipui chuan hma a la mek a, kum 2022-ah chuan in leh lo nei lovin an neih vek theih nan chak taka hmalak mek a ni tih a sawi. Pu Vanlalhmuaka chuan tunah hian state 23-ah BJP in thuneihna an chang mek a, PM Narendra Modi-a telna apiangah BJP-in sorkar a siam zel tih sawiin, kumin kum tawpa Mizoramin inthlanpui a hmachhawn turah pawh BJP chuan thuneihna a chang ngei dawn a, Mizoram siam \ha turin mipuiten an kuta thuneihna an dah ngei a ngai tih a sawi.

Lunglei District BJP President, Dr. Aichhunga pawhin, BJP chu mirethei thleng phak sorkar dintu a ni tih a sawi a, Mizoram rethei tak leh kawng hrang hranga intodelh lo chu BJP kaihhruai Sorkar hmanga khaichhuak tura an kuta thuneihna hlan a \ul tih a sawi. Kristian te tan BJP a hlauhawm anga an sawi chu thu dik lo nia sawiin, Dr. Aichhunga chuan BJP sorkar tluka Kristiante tan \ha a awm lo niin a sawi.

He inkhawm hi |awipui North-1 VCP, Lunglei South BJP Block President ni bawk, Pu Biaksailova-in a kaihruai a. |awipui North-II VCP, Pu T. Lalkhuma’n BJP hruaitute chu an khawtlang mamawh High School leh Community Hall sakna tur Sorkar laipuia an hotute hnenah dilpui turin a ngen a ni.