Lunglei Sub Hqrs. MNF Vigilance Board-in Zobawk Handloom & Handicraft Co-operative Society-ah thil fel tawk lo awm nia sawi chhuichian nan ACB-ah FIR vawiin khan an thehlut.

0
231
views

 

An FIR thehluhah chuan Zobawk Handloom & Handicraft Co-operative Society chu kum 2016 September ni 7 khan Registration pek chhuah a ni a, kum 2015 November ni 24-ah sorkar laipui a\angin kum 2015-16 atan pawisa a dawn thu te, registration neih hmaa pawisa an dawng nia an hriat thu te sawiin he Handloom & Handicraft Co-operative Society hian \anpuina hrang hrang a dawn dan chu thil fel lo niin an sawi a, he thilah hian Rs. 25,25,350/- bo awm ni ngei an hriat thu te an sawi a ni.

He thu hi Lunglei Sub Headquarters MNF Vigilance Board Chairman, Pu F. Lalsawmkima chuan vawiin khan Aizawl Press Club-ah thuthar thehdarhtute a hrilh a, Zobawk Handloom & Handicraft Co-operative Society hi Lunglei East bialtu MLA Pu Joseph Lalhimpuia’n a hawng nia sawiin, hawn a nih lai hian register pawh a la ni lo niin a sawi a, hemi kum vek Sept. thlaah registration chu an nei chauh niin a sawi bawk.