Lunglei Sub Hqrs. YMA Rorel inkhawm vawi 6-na chu vawiin khan Lunglei Convention Center-ah an Vice President, K. Lalfakzuala kaihhruaia neih a ni.

0
336
views

Rorel inkhawm hmanpuitu Central YMA President, Pu Vanlalruata chuan ram leh hnam humhalh nan tih tur tam tak a awm avangin Mizo zawng zawngte a bo a bang awm lova lungrual taka \an ho a ngai a ni a ti a, Mizoram chhungah ngei pawh lungrualna \ha tawk a awm theih nan a thara \an lak a ngai niin a sawi a ni. Central YMA President chuan ruihhlo do kawngah nasa leh zuala \an la tur te, buhfai leh eirawngbawlna gas buk dik taka a dawngtu tur ten an dawn theihna tura \an la tur te, Mizo mipuite chim rala an awm loh nan sumdawnna lamah te, inthlahpun leh zirna lamah te \an lak a ngaih thu te a sawi bawk a ni.

Rorel inkhawmah hian thu ngaihtuah tura lut engemawzat pass a ni a, chung zingah chuan Saitluk Airport tihpuitlin a nih theih nan zirchiana, a \ul anga hmalak ni rawh se tih te, Luangmual leh Vaisam inkar PMGSY hnuaia kawng laih turah hian tun aia chaka hmalak ni rawh se tih te, Lungleiin Truck Terminal a neih theih nan Lunglei Sub Hqrs. YMA-in hma la rawh se tih te, Lunglei Sub Hqrs. YMA huamchhunga hnamdang inhlawh \hin te hlawhbi mumal taka bithliah a nih theih nan Sub Hqrs. YMA-in hma la rawh se tih te, Lunglei by-pass road siam tum hi a puitlin ngei theih nan hmalak ni rawh se tih te, Khawiva Mini Hydel Project panna kawng siam \ha turin hmalak ni rawh se tih te, Mizoram chhim lama Mizoram leilung fa ni lo, ramdang miten Mizoram an chhuahsan theih nan Sub Hqrs. YMA-in hma la rawh se tih leh Lunglei Sub Hqrs. huamchhunga dan lova khaw din a awm loh nan Lunglei Sub Hqrs. YMA-in hma la rawh se tih te a tel a ni.