Lunglei West biala MNF Party Candidate, Pu C. Lalrinsanga chuan vawiin khan Sertlangpui khuaah campaign a \an.

0
327
views

 

An khaw Community Hall-a Party mite inkhawmah thusawiin Pu C. Lalrinsanga chuan Lunglei West bial harsatna tawh lian ber chu inkalpawhna kawng chhe lutuk leh nitin khawsakna mamawh lakna kawng a ni tih sawiin, thlantlin a nih chuan a ngaihpawimawh tur chu Lunglei a\anga Sertlangpui tlangdung kalna leh Aizawl-Thenzawl-Lunglei kawngte, Buarpui tlangdung kawngte siam\hat hna a ni a ti a, hemi chungchang hi an Party President, Pu Zoramthanga nen vawi tam tak an lo sawi dun tawh thu a sawi a, an party flagship programme tur Socio-Economic Development Programme a\angin kuthnathawktute leh eizawnna chi hrang hranga inhmangte \anpui a nih dawn thu te, zirna leh hriselna lam ngaihpawimawh a nih dawn thu te a sawi bawk a ni.

He campaign hawnna Lunglei West MNF Block II Conference ni nghal hi an Block President, Pu Vanlaltluanga kaihhruaiah hian Pu C. Lalrinsanga hian an party zawm thar mi \hahnem tak a lawmlut nghal a ni.