Lungleiah faina beihpui thlak

0
655
views

Kumina Mizorama khawpui thlan chhuah 23-a faina lama inelna neih mekah Lunglei District Sanitation Task Force-in tukin khan Lungleiah faina beihpui a thlak a, Venglaia Mizofed kawtah faina beihpui thlak hi Bawrhsap, Pi Lalzarmawii’n a hawng a ni. He inkhawmah hian Lunglei East Bialtu MLA, Pu Joseph Lalhimpuia’n thusawiin, mipuite chu Lunglei khawpui tifaitu an nih theih loh pawhin a tibawlhhlawhtu nih loh tum turin a fuih a ni. A hawnna inkhawmah hian Deptt. hrang hrang officer te, zirtirtute leh zirlaite bakah tlawmngai pawl hrang hrang aiawhte an tel a, District Urban Development Officer, Pu Andrew Lalhruaia’n a kaihruai a ni.