Madhya Pradesh-ah truck-in in hnawl, mi 10 thi

0
359
views

Madhya Pradesh Jabalpur-ah truck pakhatin in eng emaw zat a hnawl vangin mi 10 an thi a, midang 4 an hliam. Chetsualna hi tukin dar 9 vela thleng kha a ni a, Barela-a truck tlan lai pakhat chu, a khalhtuin a thunun theih loh vanga chesualin, kawngpui dunga chenna in leh dawr eng emaw zat a hnawl tih an sawi a, in chim kar velah tang an la awm niin thuneitute chuan an sawi bawk. Helai hmuna awm-te chuan truck khalhtu hi a tlan chhe nghal nia sawiin, police-te an thleng tlai hle niin an sawi a, hei vang hian mi thenkhat lungawi lo chuan lirthei pakhat an hal a ni. Police-te chuan mipui pungkhawm hi an hnawhdarh thu leh hmun dang atangin police tam zawk chah luh belh nghal an nih thu an sawi bawk a ni.