Madhya Pradesh Chief Minister Kamal Nath-a thawhpuite in leh lo dap a nih hnuah Income Tax office hnathawk te’n Congress Accountant SM Moin-a thu an zawtfiah.

0
2493
views

Income Tax Department chuan Madhya Pradesh-a in leh lo an dapnaah hian pawisa chhehrelh cheng vbc 281 man a nih thu leh he sum \henkhat hi Delhi-a political party langsar taka hnena thawn a nih thu an sawi a, cheng vbc 20 dang, dan loa pawisa thawnnaah man a ni bawk a ni.

Income tax thuneitute chuan Congress accountant SM Moin chu heng pawisa thawn chungchangah hian thu an zawtfiah mek a, tun hnai hian eptu pawl party te hi chhiah chungchangah dap an tawk nasa hle a, thla hmasa khan Karnataka-ah Congress leh JDS party hotu \henkhat chu an in leh lo dap a lo ni tawh bawk a ni. Election Commission chuan Finance Ministry-a investigation leh enforcement agency te chu inthlan hmaa chhiah chugchang dapna te hi politics lama thlei bik nei loa kalpui tur leh an hnathawh dan tur hrilh lawk turin a ti a ni.

Congress party hotute chuan dap huamin an inrin reng thu an sawi ve bawk a, amaherawhchu political party \henkhat beih an nih laiin Modi sorkar chuan inthlan campaign-na atan sum tam tham tak a hman pawhin endik a nih ve loh avangin dan kengkawhtute hian thlei bik an nei niin an sawi bawk a ni.