Madhya Pradesh Chief Minister, Kamal Nath chuan tukin khan Governor Lalji Tandon hmu-in, Congress sorkar tluchhe mai thei dinhmuna ding mek chu buk a duh tih a hrilh.

0
375
views

Nath leh Governor Lalji Tandon te inkawmnaah sorkar laka hel MLA te chu Assembly Speaker Narmada Prasad Prajapati hmu tur leh an banna thehlut tura tih an nih thu sawi chhuah a ni a, Speaker chuan Congress MLA 22 zinga 13 te leh minister 6 te chu vawiin leh naktuk, Inrinniah a hnena inlan turin a hriattir a ni.

Dan ang chuan heng MLA bangte hian Speaker chu an hmu hmasa ang a, chumi hnuah an ban chhan chu chhan \ha tak a ni em tih finfiah a nih hnuah an banna chu pawm chi a nih leh loh Speaker chuan a ngaihtuah leh phawt tur a ni.

Madhya Pradesh-ah hian Congress chu rorel lai niin MLA 120 a nei a, MLA 22 te banna hi pawm a nih chuan rorel thei tura MLA neih ngai zat chu 104-ah a tlakhniam dawn avangin MLA 107 nei lai BJP chu sorkar mai thei dinhmunah a ding a ni.