Madhya Pradesh politics buaina-ah Congress sorkar chu a tlu dawn niin a lang a, Rahul Gandhi-a \hian hnai tak Jyotiraditya Scindia chuan BJP a zawm.

0
370
views

Joytiraditya hian a pa awmna party, amah pawh kum 18 a lo awm tawhna chu a chhuahsan a, MLA 21 te nena Congress an chhuahsan avangin, thla 15 kalta-a ding \an Congress Sorkar chu tlu thei dinhmunah a ding ta a ni. Nimin lamah Jyotiraditya Scindia hian Home Minister Amit Shah a hmu a, an pahnih hian Prime Minsiter Narendra Modi an hmu leh a, an inkawm zawh hnu hian Congress a\anga a ban thu twitter ah a ziak a. BJP Hqrs ah hian nikum lama BJD chhuahsana BJP lo zawm tawhtu Jay Panda-a’n a lo lawm a ni.

Member 230 awmna Madhya Pradesh Assembly ah hian Congress hian MLA 120 a nei a, majority chin 116 chu pali chauhin a khum a, MLA 21 te banna hi pawm a nih chuan Majority chin chu 104 ah a tla thla ang a, MLA 107 nei mek BJP tan sorkar siam theihna kawng a inhawng dawn tihna a ni.