He lirnghing hi kum 20 chhunga California-in lirnghing a tawrh nat ber \um a ni a, a nghin \anna chu Los Angeles a\anga km 240-a hla, Ridgecrest khaw bul, Majova thliarkarah a ni. He lirnghing hian Ridgcrest Regional Hospital ruhrel \henkhat a tihchhiat avangin damlote chu hmun him lamah sawn an ni a, hmun \henkhatah chuan kawngpui a khi chat a, electric ban tlu leh in bang khi te, darthlalang keh te hmuh tur a awm a ni. He lirnghing hian China dil bula US lawng sipaiten bomb an enchhinna hmun pawh sawiin, thil tihchhiat a nei nual bawk a ni.
California Governor Pisa thupuangtu Brad Alexander chuan kang\helh pawl leh chhanchhuah hna thawktu pawlte chu Ridgecrest khaw chhehvel endik tur leh \anpui ngaite \anpui turin an che chhuak tih a sawi a ni.
