Maharashtra-a Catholic puithiam sawisak an nih Meghalaya NPP-in dem

0
358
views

Maharashtra-ah Catholic puithiamte sawisak an nih avangin Meghalaya-a National People’s Party an lungawi lo hle a, NPP President, Conrad K. Sangma chuan ram danpuiin mi tinin zalen taka eng sakhua pawh an biak a phal chu vawng him tur leh sakhuana thil avanga tharum thawhna thleng \hin laka mipuite veng him a, dik taka rorel turin sorkar laipuiah a thlen nghal a, pawikhawihtute pawh a rang thei ang bera zawng chhuak tur leh hrem turin PM, Narendra Modi leh Union Home Minister, Rajnath Singh-te hnenah ngenna a thlen bawk a ni. Ningani zan khan carol tura chhuak, mi eng emawzat chu Hindu rualin an bei a, puithiam motor an hal bawk a, police-te chuan pawikhawihtute hi man lo-in, carol-a telte hi an hreng zui a, Catholic Bishop’s Conference of India chuan carol-a telte hren an nih chungchang zawt fiah tura police hmuh tum, puithiam 8 pawh police te hian an lo hreng tel niin an sawi a ni.