Maharashtra-a Pune district-a ruahsur nasa vanga tui lian leh tui len vanga bang chimah mi 12 an thi.

0
372
views

Maharashtra Chief Minister, Devendra Fadnavis chuan thi chhungte a tawrhpui thu sawiin, state sorkarin thil awmdan chhuiin, a \ul dan a zir zelin chak taka hma a lak tur thu a sawi. Chief Minister chuan Pune khawpui leh Baramati khuaa tuilian tuarte \anpui turin National Disaster Response Force a tir a, Pune leh a chhehvela school leh college zawng zawng khar a ni.

Hmun hran hrana tui liana tang mi 10,500 vel te chu hmun him lamah thiar chhuah an ni tawh a, ruah la sur chhunzawm zel tura mithiamten an hmuh lawk vangin hmun hniam laia chengte chu inthiarfihlim tura hriattir an ni.

Mumbai leh Bengaluru inkara Khed Shivapur thingtlang khuaah chuan dargah-a mu mi 5 tuihawkin a len a, an zinga mi pahnih chu an chin hriat zui tur a awm lo a ni.
Hetihlai hian Arneshwar-a bang chimin mi 5 a delh hlum a, an zingah mipa naupang kum 9 mi a tel a ni.

Baramati hmun hniam laia cheng mipui 10,000 vel hmun him lamah sawn a ni a, Jejuri bul lawkah hian Karha lui awmin, lui bulah chuan Nazare tuikhuah a awm bawk a, ruah a sur chhunzawm zel chuan helai hmunah hian tui a len nasat rin a nih vangin mipuite chu hmun him lama insawn tura hriattir an ni.