Maharashtra-ah Dalit hnam pawl ten bandh huaihawt, buaina chhuakah mi 2 thi

0
406
views

Maharashtra-a hnam hnufual, Dalit hnam pawl hrang hrangten sorkar laka an lungawi lohna lantir nan bandh an huaihawt a, buaina a chhuah avangin mi 2 an thi. He buaina chhuak avang hian Police-ten mi 300 vel an man bakah thubuai 16 an ziak lut tawh tih an sawi a, State Transport Corporation pawhin an bus 200 vel tihchhiat a nih thu an sawi. Thawh\anni khan kum 1818 January ni 1-a Maratha sipaite’n British sipaite an hnehna ni champha lawm tumin mi \hahnem tak an pungkhawm a, Pune mi nia hriat mi \henkhatin khap an tum avangin buaina a chhuak a, lirthei eng emaw zat hal a nih bakah mi pakhat a thi a, he thil thleng hi Dalit hnam pawl hrang hrangte chuan sorkar chak loh vangah puhin, bandh an huaihawt chhunzawm a, buaina dang a chhuak leh ta a ni.

Ram chhung hmun danga Dalit pawl hruaitute pawhin he thil thleng avanga lungawi lohna hi ram puma lantir dan tur an ruahman a, an hruaitute chu nakt<kah Parliament Street an an \hu khawm ang a, Bhim Army hruaitu, Uttar Pradesh-a hren mek, Chandra Shekhar-a chhuah thuai an ph<t dawn a ni. Dalit hruaitute chuan, an thil mamawh leh an ph<t chu chin fel a la ni lo tih sorkar hriat nawntir nan, buaina siam lova pun khawm an tum thu an sawi a, Bhim Army hruaitu, Chandra Shekhar-a hi dan a bawhchhiatna finfiahna engmah awm si lova National Secrets Act tlawhchhana hren nia sawiin, he dan hnuaiah hian thla 11 hren zui tur niin an sawi. Hnam hnufual, Dalit leh tribal MP leh MLA te chu an hnam mite harsatna sut kian tuma \an la t^wk lovah Dalit hruaitu, Ashok Bharti chuan a puh a, tunah hian Scheduled Caste mi, MP 84, Scheduled Tribe mi, MP 47 leh Scheduled Caste mi, MLA 700 vel an awm nia sawiin, sorkar hnathawk nuai 10 chuang, IAS leh IPS officer za tam tak an awm a, President Ram Nath Kovind-a pawh Dalit mi a ni bawk a, heti chung hian hnam hnufualte harsatna hian ngaihsak a hlawh lo hle niin a sawi bawk.

Maharahastra-a Bhima-Koregaon biala chi leh chi lam hawia buaina chhuah chungchang hi Parliament in hnihah sawi chhuah a ni a, eptu pawlte chuan thil awm dan sawifiah turin PM, Narendra Modi chu an ph<t a, thuneihna a chan hnuah ram chhung hmun hrang hrangah Dalit mite laka pawi khawihna a pung nasa niin an sawi. Congress party chuan he tharum thawhna thlen chungchang chhui tur hian Supreme Court judge ruat an ph<t a, Congress leh BSP member-te chuan Rajya Sabha inkhawm chu vawi hnih an tihtawptir a, zawhna leh chhanna hun leh Zero Hour pawh a hman theih loh a ni. Lok Sabha-ah pawh hemi chungchang avang hian rorel inkhawm chu minit 15 chhung tihtawp lailawk a ni a, eptu pawlten nasa taka an ngen avangin Lok Sabha Speaker, Sumitra Mahajan chuan Congress hruaitu, Mallikarjun Kharge chu hemi chungchang sawi a phalsak a, mahse Dalit mite chunga thil thleng chungchang hi awmze nei leh puitling taka sawiho a \ul thu a sawi hmasa a, heti chung hian rorel lai pawl leh eptu lam chu nasa takin an inau tawn tho a ni.