Maharastra khaw thlang lama lirtheia chetsualna thlengah zirlai 5 aia tlem lo an thi a, mi 29 an hliam bawk. Chetsualna hi Mumbai leh Bengaluru inkar Nagaon khaw bula thleng a ni a, Sangli panin, truck pakhatah zirlai 44 zet an chuang a, Chhatrapati Shivaji Maharaj piancham lawmna puala zin chhuak an ni. Polite te sawi danin lirthei dangin he truck tlan lai hi a hnung lam atangin a su a, motorcycle pahnih pawh a su tel a ni. hliam te hi a bulhnai damdawiin ah dahluh nghal an ni a, doctor te chuan zirlai 5 an thi tih an puang a, zirlai dang 29 chu damdawiin ah enkawl mek an ni. heng zirlai te hi Kolhapur District Panhala fort atanga chhuak an ni a, chetsualna thlen dan hi police ten an chhui chiang mek a ni.
Chanchin Thar Maharashtra-ah lirthei chesual, zirlai 5 thi
