Maharashtra-ah lung zai thi, doctor-te lakah a pasal lungawi lo

0
490
views

Maharashtra-a Thane-a cheng, nu pakhat, kum 56 mi chu a lung zai a nih hnuah a thi a, a pasal, Mithulal Bafna chuan Maharashtra Medical Council hnenah a lungawi loh thu thlenin, a nupui zai a nih hma hian doctor-ten hlauhthawn tur a awm loh thu te, a himzia chu, za zela 200 a nih thu te, ni nga vel hnuah \ha taka a haw theih tur thute an tiam hnuah, a nupui zaina senso, cheng nuai 43 chu harsa takin a tuak a, a nupui tana a bik taka an siamtir, a lunga thisen dawt chu a \hat leh si loh avangin, Hinduja Hospital-a lung lam doctor \ha ber berte pawh an hlawhchham ta a, a nupui chu a thi ta si niin a sawi. A pasal chuan, an zai hnuah hian a nupui hi ni 60 vel, nikhaw hre lovin a awm a, a hnuah a boral ta niin a sawi a, nasa taka a buaipui hnuah damdawi in hotute chuan an senso, cheng nuai 12 leh sing 5 vel chu pek kir leh an remti a, heti chung hian an chunga thil thleng chu a lungawithlak loh hle niin a sawi.