Maharashtra Palghar district-a kar kaltaa mi pathum beihrawntu mi 101 te zinga man tawhte zingah Muslim mi an la tel lo tih Maharashtra Home Minister, Anil Deshmukh-a’n a sawi.

0
42
views

Deshmukh chuan an state-a BJP kaihhruai eptu pawlten thil thlen dan, sakhua ang zawnga an la kawi chu chhang letin, kha thil thleng kha criminal investigation department chhui turin dah a ni tawh tih a sawi a, mi \henkhat politics inbeihna hmanruaa hman tum an awm a ni a ti. Ram pum huapa coronavirus do kawnga \anrual a ngaih hunlaia politics thila inbeih nana lo hman chu a hun rih lo tih a sawi bawk.

Chief Minister,Uddhav Thackeray chuan kar kalta khan Mumbai a\anga km 125 velah mi nihna hai vangin rawng taka inbeihna a thleng tih a sawi a, sakhua leh sakhua inkar buaina anga ngai lo turin mipuite a ngen a, Hindu emaw Muslim lam a\anga emaw, hnam ang zawng emawa inbeihna a ni lo a ti a. Mipui fuihpawrh tum tumah awm lo turin a chah a ni.

Kha inbeihnaah kha Gadchinchale khuaa thleng a ni a, mipui thinrimte chuan lung leh tiang hmangin mi pathum an sawisak rawn a, an sawisak zinga pakhat chu kum 70 mi a ni.
Buaina chinfel tuma kal police te pawh heng mite hian an hmanraw hmangin an bei tel bawk a, hliam engemawzat an awm bakah mi pahnih an thi a ni.