Maharastra-ah sorkar din tura BJP leh Shiv Sena \angdunte ni 11 chhung pawhin an la inrem thei lo a, hetihlaihian BJP chief minister nilai Devendra Fadnavis leh Nationalist Congress Party hotu Sharad Pawar te New Delhi ah an kal ve ve.

0
46
views

Devendra Fadnavis hian BJP president Home Minsiter Amit Shah kawmin sorkar siam tura harsatna an tawh mek chinfel dan tur a sawipui a, hetihlai hian NCP hotu Sharad Pawar hian Congress president Sonia Gandhi a kawm dawn nia hriat a ni bawk.

Devendra Fadnavis hian Amit Shah nena an inkawmnaah Maharastra-a loneituten harsatna an tawh chungchang an sawi dun niin a sawi a, sorkar din dan tur kaihhnawih erawh engmah a sawi duh lo a, sorkar thar din thuai a ni dawn tih erawh a chiang tih chanchinbumite hmaah a sawi.

BJP leh Shiv Sena \angdunte hian majority chiang takin nei mahse, Shiv Sena hian thuneihna inang tlanga sorkar din an nawr avangin BJP nen an la inrem thei lo a, Shiv Sena hruaitu Sanjay Raut chuan sorkar din hlei thei lova harsatna thleng mek chu an party thiam loh a ni lo tih sawiin, party mala MLA ngah ber, BJP in sorkar an din thei lo anih chuan Shiv Sena chuan sorkar a siam theih thu Governor ah a thlen mai dawn a ni a ti.

Maharastra Assembly inthlanpuiah khan BJP chuan seat 105 lain, an thawhpui Shiv Sena in seat 56 an la a, member 288 awmna Assembly ah sorkarna siam thei an nih laiin, thuneihna inchuh vangin tun thlengin sorkar thar a la ding thei ta rih lo a ni.