Sorkar tharin thlawptu a ngah tawk em tih fiahna-ah hian Assembly house chhung boruak a \ang hle a, BJP member te chu an hruaitu Chief Minister hlui Devendra Fadnavis hovin House a\angin an chhuak a, BJP te hian protem speaker atana lo ruat tawh, BJP mi Kalidas Kolambkar-a thlak a ni chu an dodal a, party pathum \angrual hian protem speaker atan hian NCP ticket-a thlan tlin Dilip Walse an ruat a ni.
Fadnavis-a hian Maharastra Assembly chanchin-ah Speaker pangngai kaihhruaina hnuaiah ni lo sorkar fiahna neih a la ni ngai lo tih a sawi a, Speaker tur thlanfel hmaa sorkar fiahna neih chu thil dik lo a ni a ti.
Sorkar fiahnaah hian kum 59 mi Thackeray-a kaihhruai Shiv Sena, NCP leh Congress \angho, Maha Vikas Aghadi tia vuah hian thlawptu 169 a nei a, hei hi member 288 awmna Maharastra-a sorkar siam tura thawptu neih ngai zat 145 aiin 24 in a tam zawk a ni.
