Mahni mihringpui hralh chingten an bum nia hriat, Manipur hmeichhe 8 chu Myanmar-ah chhanchhuah an ni

0
537
views

Manipur hmeichhe 8, mahni mihringpui hralh chingten an bum ni ngeia hriat te chu Myanmar ramah chhanchhuah an ni. Yangon-a Indian Embassy leh Myanmar police-te sawi danin, heng hmeichhia te hi Thailand leh Singapore-a hnathawk tura sawm chhuah an ni a, Manipur Additional Chief Secretary, S.Suresh Babu chuan heng hmeichhiate hi Churachandpur mi vek an nih thu leh, ramri hnaiha awm, Moreh a\angin Myanmar-ah hian hruai luh niin a sawi a, Yangon khawpuia an thuhrukna hotel a\angin Manipur police-te hi an rawn be pawp niin a sawi. Myanmar police-te nen he hotel hi an dap hnuah hmeichhe 8 te hi an chhanchhuak ta nia hriat a ni a, Police te chuan he thil thleng chungchangah hian nimin khan Churachandpur-ah mi pahnih an man thu leh thubuai an siam tawh tih an sawi a ni. Tun hnaiah mahni mihringpui hralh chingte kut a\angin hmeichhe 15 lai chhanchhuah an lo ni tawh a, Inrinni khan mahni mihringpui hralh ching mi 3 pawh police ten an lo man tawh bakah, hmeichhe pahnih an lo chhanchhuak tawh a, Nilaini pawh khan hmeichhe dang panga chu chhanchhuah an lo ni tawh bawk a ni. Manipur Social Welfare Department chuan hnathawh tur emaw, zirna \ha zawk emaw hmatheha ram danga mi hruai thei nia insawi te lakah fimkhur turin mipui a chah a, inbumna a tam avangin mahni fate ram danga thawn tumte pawh fimkhur hle turin a ti a ni.