Maldives-ah Emergeny puang chhunzawm zel, US-in tha ti lo

0
400
views

Maldives Preident Addulla Yameen-an Emergency ni 30 dang atana a pawtsei leh chu tha lo a tih thu US in a sawi. Maldives hian nimin khan emergency pawh sei lehna thupek hi a ti chhuak a, US State Dept thupuangtu chuan Maldives President in Emergency a pawtsei leh thu pawi an tih thu sawiin, US chuan Emergency puan titawp tawh turin President Yameen chu a nawr reng a, dan rorelna tungding leh tur te, Parliament leh Judiciary ten an hna an thawh leh thuai theihna turte leh an ram danpuiin humhimna a pek te mipuiin a taka an chhawr tangkai leh thuai US chuan a duh a ni a ti. An ram supreme court in eptu pawl hruaitute chhuah tura thupek a siam hnuah Yameen hian tun thla tir lam khan ni 15 chhung atan Emergency a puang a, Yameeen-a rawtna angin an ram parliament chuan nimin khan emergency pawh sei lehna tur hi a pawm a. An ram danpuiin rorel thei tura a bithliah chin chu MP 43 anih laiin nimina vote lakna ah hian MP 38 chauh an tel a, heng mite pawh hi rorellai pawl Progressive Party mi te vek an ni.