Mamata Banerjee-in Trinamool Congress party Manifesto-a tlangzarh a, Lok Sabha inthlanah hnehna an chang a nih chuan cheng 500 leh 1,000 note tih hlum chungchang chhui chian a tum thu a puang.

0
306
views

TMC hian an manifesto, phek 67-a chhah, Bengali, Sap\awng, Hindi, Nepali leh Ol Chiki tawnga tih chhuahah sorkarna an chang a nih chuan Planning Commission tinung lehin demonitisation leh GST endik an tum thu an sawi a, BJP party bei tura eptu pawl te hui khawmtu ber Mamata Banerjee chuan demonitisation leh GST hian India economy a ti chhia a, demonitisation kalpui anih chhan te leh GST hian a takin mipui a \anpui em tih te mi thiam rual awmna committee endik tir a nih tur thu a sawi a, thlantlin an nih chuan MNREGA hnuaia mi rethei te tana ni 100 chhung inhlawh theihna chu ni 200-ah tipunga a leta hlawh tihpun a nih tur thu a sawi a, Modi sorkarin kum khata hnathar vbc 2 siambelh mipui te hnena a tiam, hlawhchham ta chu demin Banerjee chuan an sorkar chuan hna thawh tur siam belh, Schedule Caste, Scheduled Tribe leh Other Backward Classes te tana hmun hauh te hnawhkhah leh hmeichhia te chawikan chu an thupui a nih tur thu a sawi. Ram dang nena India inkungkaihna leh ram venhim chungchangah erawh chuan political party an nih angin sorkar dinglai hma lak ang a apiang chu an thlawp tur a ni tih a sawi a, sorkar thar an din thei a nih chuan hemi chungchang hi sawihoa an relfel tur thu a sawi a, Kashmir-a buaina chungchangah ralmuanna thleng thei se a duh thu leh chinfel theih dan zawnga a hmuna kalchilh a inhuam thu a sawi.