Mamit Bawrhsap leh District Industries Centre buatsaihin vawiin khan Mamita Siamliana Hall-ah nalh zawk leh \ha zawka puantah dan Mamit khawpui chhunga puantah lama mi tui mite zirtir an ni.

0
267
views

He Skill Development Training on Handloom Weaving hi Mamit Treasury Officer, Pu Vanlalfaka’n a hawng.

Hawnna thu sawiin Pu Vanlalfaka chuan puantah thiamna hi Pathianin tun hma a\anga Mizote a pek a ni a, amaherawhchu, mawi leh nalh turin thiamna sang zawk neih a \ul tih a sawi a, Mizo puante hi Mizo hnam nun leh nihphung tilangtu a nih avangin humhalh zel a ngai niin a sawi a ni.

He training hawnna inkhawm hi Sub Divisional Industrial Officer, Pu Lalbiakzuala Ainehin a kaihruai a, hetah hian District Industries Center-a Weaving Demonstration Pi K. Lalthanpari’n puantahtute chu nalh leh mawi zawka puantah dan a zirtir a ni.